劉德華同吳家樂等噚日出席美孚繽紛保齡球場舉行嘅東華三院董事局嘉賓友誼賽，家樂重帶埋老婆周蕙蕙到場打氣，最後隊制全場總冠軍由吳家樂同華仔一隊奪得。講到個人賽方面，今次華仔慘被對手拋離，問佢係咪工作太忙疏於練習，佢就話：「都唔係，佢哋真係打得好。」另外，周蕙蕙噚日着住鬆身衫出現，好似有身孕咁，但家樂同周蕙蕙都否認有喜。