無綫劇集《愛情全保》演員昨日齊集淺水灣宣傳，除了分組打沙灘排球外，男士又要孭起女士繞過雪糕筒，吳美珩胸部緊貼陳錦鴻背部，令對方大吃波餅。大隻佬鄭健樂（Rocky）打排球時，即興脫去上衣，健碩胸肌盡現，其後還跟江芷妮交換波衫。
陳錦鴻、吳美珩、江芷妮、鄭健樂、沈囗婷等昨日齊集淺水灣沙灘宣傳無綫新劇《愛情全保》，雖然下着毛毛細雨，但仍吸引一班fans捧場。
藝員先分成橙、綠兩組比賽沙灘排球，兩組勢均力敵，其間分數落後的石修和陳錦鴻使出茅招，舉起吳美珩到網前開波，惜奸計未能得逞，最終仍然落敗，同組的Rocky更忽然赤膊贈興，江芷妮見狀主動脫去外面的T恤與對方交換球衣。
陳錦鴻生育受壓
其後男藝員要孭起女藝員一邊繞過雪糕筒，一邊抽旗仔，由於身體接觸眾多，令一眾男士大吃波餅，事後陳錦鴻還高呼遊戲好好玩，但問到吳美珩伏在其背部，可有佔到便宜？他則笑說：「有感覺到，但冇乜特別囉，大家玩遊戲，拍戲時都成日有咁嘅情況。」而Rocky與沈囗婷合作玩心口夾氣球時，因步伐不一，令女方幾乎跌倒。最終馬國明和江芷妮率領的隊伍落敗，要接受大懲罰，江芷妮被Rocky抱起跑到海邊，突然遇着大浪翻滾，二人全身濕透，相當狼狽。
此外，譚耀文前日宣布太太有喜，好友陳錦鴻即表示壓力大，他說：「我身邊個個朋友一係單身，結咗婚都有小朋友，我𠵱家都順其自然，俾一年時間自己，過多半年都冇會去求醫。」
採訪：卓寶花
攝影：陳俊強
