【本報訊】新一代「電訊大亨」梁伯韜昨日接受本地電台訪問時透露，自公布收購電訊盈科（008）22.66%股權後，接獲直接投資者基金及槓桿買賣基金垂詢，希望在他購入的那份電盈股權中，分一杯羮。
梁伯韜說：「固網業務是好好嘅現金牛，呢個亦都係兩個基金（麥格理及新橋投資）有興趣收購嘅原因，其實唔淨止呢兩個基金，自從我宣布咗簽咗買賣協議（收購電盈），有好多基金打電話嚟話同我合作，可想而知佢個資產非常吸引。」
他更透露，曾接獲的一個槓桿買賣基金方案，對方提出只出資約10%，其餘逾80%資金透過借貸，希望以小控大入股電盈，增加投資回報。
他又透露，除了麥格理及新橋，市場盛傳的其他潛在投資者都「真有其事」。較早前有報道指，梅鐸旗下的新聞集團擬夥拍麥格理收購電盈。對於有基金「獻媚」，梁伯韜表示，「我哋會緊守一個原則，就係保證無論有咩嘢嘅改變，佢（電盈）對香港人嘅服務係唔會改變嘅。」
不會全職管理電盈
交易若落實，梁伯韜將成為電盈最大單一股東，但他表示，入主後不會全職管理電盈，只會在策略方面協助管理層。他說：「我喺中國都有十幾二十年營商經驗......希望利用我過往嘅經驗，同埋人脈關係，幫助電盈能夠打入國內市場。尤其我同網通關係好好，網通上市都係我有幫手，宣布咗加入電盈之後，網通亦發表一個聲明歡迎我加入，我亦會緊密和網通合作，為電盈找尋商機。」
雖然外界認定梁伯韜收購電盈有其他潛藏「使命」，但他一再強調是純粹商業考慮。對於「水源」他繼續保持緘默。
據電盈母公司盈科拓展的公布披露，盈拓曾向美國國際集團旗下基金及友邦保險發行2.5億美元可換股債券，該筆債券持有人可將債券兌換為電盈股份，債券於06年到期。