猩猩王大派女友

猩猩王由出道至今身邊女伴有如走馬燈，樂壇嘅新晉靚女歌手幾乎都同佢傳過緋聞，繼同姐妹組合嘅家姐後，佢最近又背住家姐同鬼妹一齊，可惜俾人識穿。其實猩猩王花心得嚟都幾揀飲擇食㗎，事關好多女仔仰慕佢靚仔都自動送上門，猩猩王份人出名對朋友好，咪將啲樣靚身材正，自己又唔好嘅介紹畀老友，有位靚女歌迷起初死纏猩猩王，佢就一招乾坤大挪移，推畀個司機，點知嗰位歌迷又好受落，跟咗司機哥哥。