醫學美容巿場龐大，願意一擲千金向醫生「求救」的大有人在，但有錢花也要懂得花，作為消費者的是否知悉操刀的醫生是何許人？是否受過足夠的「變靚」訓練？實情是，醫生名片上一大堆學歷，未必等如真材實學，修讀過皮膚科文憑或碩士課程，也不等於是專科；做激光、用果酸，畢竟不是買棵菜，到容顏受損才悔不當初，不如從長計議，事前問個清楚。 記者：張嘉雯、梁洵瑜
「我都聽過有啲朋友去啲細嘅美容院做，做完去唔到斑或者發炎。」今年27歲的高小姐，因為想除去兩頰的雀斑，曾想過向皮膚科專科醫生求救，「我打過電話去問，啲醫生收得好貴，要兩萬蚊，又試過上啲診所度，我唔知佢係咪皮膚科，不過我估係嘅，可能我都混淆咗。」
「有啲淨係讀過美容激光、彩光咁，只可以靠佢擺出嚟張cert.（證書）去諗佢係咪專業，一般人都分辨唔到。」與其跟花多眼亂的學歷糾纏，高小姐最終選擇在年半前到一脫毛中心進行療程，「大概一萬蚊度，無醫生咁貴。」
皮膚專科須六年培訓
全球富裕地區現時極為流行的激光、彩光、換膚等醫學美容，在香港沒嚴格規管，除了皮膚科專科醫生外，一般醫生、甚至美容師也可以施行。今年21歲的周小姐有意進行激光治療，但同樣不知醫生資歷的分別，「我都唔知邊啲人可以做，邊啲人唔可以，美容院都收得唔平㗎，所以我諗搵番皮膚科會好啲。」
在本港要自稱為皮膚科專科醫生，必須接受三年內科及三年皮膚科合共六年培訓。香港皮膚專科醫生協會副主席陳衍里解釋，專科培訓包括三年內科訓練，應考首部份考試後，再完成其後三年皮膚科及性病科理論及臨床訓練，再考第二部份，取得香港醫學專科學院院士（內科）的資格，再經醫委會評估才可成為註冊皮膚及性病專科醫生。
「皮膚科醫生要學皮膚學病理、兒童皮膚科、皮膚手術、嚴重皮膚問題、性病等等課程同臨床嘅訓練，要喺醫院開臨床會議，所以皮膚科唔止係美容，係要有好多皮膚學嘅根底同知識，例如皮膚點樣可能係癌變，可能有癌變嘅癦應該點處理等。」
文憑碩士不能稱專科
至於在外國修讀的皮膚科碩士或文憑課程，則只需一年或九個月，陳衍里表示，現時與皮膚科有關的學歷，包括倫敦大學或英國威爾斯大學等文憑及碩士資歷（見表）。
醫學會會長蔡堅稱，文憑及碩士課程以理論為主，若修讀者自稱是皮膚科專科醫生並不合法，「佢哋喺皮膚科嘅知識係叻過好多GP（普通科醫生），有學過果酸換膚、激光或者打透明質酸，會專注啲美容項目，所以會好熟，但唔可以叫做皮膚科專科，如果唔係就誤導。」
名片上不可亂印名銜
近年坊間不少醫生在名片上印上各種名銜「吸客」，例如「美國抗衰老醫學文憑」；又或在診所內的當眼位置寫上擁有「英國倫敦大學聖約翰書院激光及美容證書」、「法國巴黎皮下注射療法深造證書」、「法國巴黎美容醫學深造證書」等資歷，蔡堅解釋，有些根本不要求醫生接受訓練，只要「畀錢飛去外國考個試就掂」，在派發予病人的名片上，絕不可印上這些未經醫委會審訂的名銜，否則就是違規，消費者應留意。
