眾藝人非常關注Tommy輸錢借貴利一事，大部份均覺得沉迷賭博是不智行為：
梁靖琪（Toby）：我覺得好震驚，我同佢同期出道，大家好熟，之前佢已經有單醉酒駕駛，𠵱家又搞單咁嘅嘢，真係唔好彩，對佢一定有影響，做藝人要檢點。
關智斌：我同佢唔熟，唔好話係唔係藝人啦，都應該有個好嘅discipline（操行）。
側田：賭錢實係莊家贏，我都唔敢過澳門賭，好複雜咁，唔買六合彩就等於贏咗錢，你叫我開賭場就好，賭錢就唔制。
容祖兒：年輕人唔好沉迷賭博，有咁多戒賭熱線可以傾偈，賺錢咁辛苦，唔會輕易使咗去，寧願食咗落肚，試過Mani迫我賭大細，我只係放低100蚊，但都賭到我頭都痕埋，最後梗係輸錢啦。
