最深刻球賽
「最深刻唔係足球，係籃球，未見過一個好似米高佐敦咁有威力，好似佢代表公牛嘅最後一場賽事，為咗將佢威力演繹得勁啲，我先至講咗句『睇佐敦，有今生，冇來世』。」
最欣賞球星
泰利
「曾有官非，但最終改過自新，比賽一夫當關，萬夫莫敵，打中堅好少被趕出場。」
馬基列尼
「實而不華，超級綠葉球員，沉實中帶領法國殺入世界盃決賽。」
最不欣賞球星
加斯居尼
「天才橫溢，但處世與待人接物係最爛榜樣，誤導年輕人，幾好波都係假。」
最欣賞的足球評述員
「李德能同馬啟仁，德能講波不慍不火，好得體，唔會過界，馬啟仁就有花絮、有哲理混合，混得好恰當，我都希望有機會同佢哋講番場波，但我哋係打對台。」
那林尚義和伍晃榮？
「阿叔係董驃型講波人，我好細個睇佢踢波講波，佢好嘢，個樣咁多年都冇乜點變！伍晃榮有專業態度，係個老實人，『好波不妨一睇再睇』其實係喺佢度學番嚟。」