三色台最近播嘅一齣經典劇，小蛇女一角側聞最初唔係考慮搵佢做，係搵內地一位拍過歌舞片嘅影后女星做呢個角色，殊不知小蛇女個後台好勁，佢個契爺係投資老闆之一，有咁嘅特殊關係，影后名氣更大都冇用，因為契爺要捧契女，當然不惜一切啦！聽聞佢契爺原本好想爭取國際大導嗰部劇情片俾佢做，仲透過各種渠道安排大導見過契女，但最終大導冇落叠。