陳太好友、前任民政事務局常任秘書長李麗娟為陳太傳話，說陳太無意參加特首選舉後，民主派早已對陳太參選打輸數，怎知陳太昨日又突然表態，否認自己不會參加特首選舉，令一班民主派立法會議員無所適從。有民主派議員坦言，若陳太參選特首態度仍舊如此「扭扭擰擰」，最終只會令一些支持她的市民不滿，轉投曾蔭權陣營。
民主派立法會議員自7.1遊行後，已甚少直接和陳太聯絡，對於陳太不肯就參選特首表態，民主派最初都持諒解態度，但眼見陳太對參選問題「扭扭擰擰」，有民主派議員已開始有不滿：「我哋都有參過選，明白唔適宜太早講，但若果妳（陳太）唔選，咁咪早啲講清楚，若果係選，就應該表達積極態度，唔係好似𠵱家，一陣又搵個老友傳話唔選，一陣又自己出嚟講話唔係唔選，咁你叫民主派點撐佢？」
愈遲表態愈不利
該議員指出，從地區接觸到的民意，不少市民對陳太「扭扭擰擰」感到不滿，「連我哋地區義工都話陳太咁樣搞法，第日一定唔幫手。」該議員認為，陳太愈遲表態，支持者會流失得愈快，民主派更難團結支持陳太。
本報記者