「睇佢幾十歲，一條人命，就要佢賠150萬啦！」被余仲精用鐵鎚扑死的江鴻彪，其66歲的妻子昨得悉判決後說：「佢又唔係搞人老婆，而兇手判得咁輕，我老公真係死得太冤枉；從出事到𠵱家，我個心仲未平靜落嚟。」
丈夫說話風趣惹禍
江太透露，她原是廣東花都人，與丈夫結婚49年，17年前她從內地申請來港定居，兩名兒子隨後移居香港；江太說：「我兩公婆團聚先17年，個老公就俾人害死，害到我兩公婆陰陽相隔，個兇手要判終身監禁。」江太表示，現時案件已判決，她考慮循民事向兇徒索償150萬元。
對於丈夫與單眼英的關係，江太深信丈夫是清白的，她說：「我老公鍾意朝朝早喺樓下飲茶，同單眼英就係飲茶時搭枱識嘅，我老公平時講嘢好風趣，嗰日唔知講乜搞到單眼英大笑，咁可能引人誤會啦，不過我肯定咁講，佢兩個人係冇嘢。」
江太補充：「如果我老公真係搞人老婆，俾人打死就心甘命抵，但事實佢無辜㗎！」
原信佛改信基督教
江太表示，丈夫遇害對她打擊很大，因悲傷過度令記憶力衰退，以往信奉佛教的她，為了丈夫的事感到心灰意冷，覺得拜得神多卻沒有神庇佑，後來教會的朋友常常來探望，給她關心與支持，最近她已轉信基督教。
本報記者