劉香萍女兒貝安琪昨日穿上性感比堅尼在九龍城廣場行泳衣騷，與多位女模玩吹泡泡，十分風騷。談到拍攝劉偉強新作《傷城》，更與型男金城武做對手戲，作風洋化的貝安琪竟害羞不肯回答是否渴望跟他拍接吻鏡頭。
中德混血兒貝安琪，昨日聯同模特兒CaraG.等到九龍城廣場行泳衣騷，兩人與同場女模齊齊穿上比堅尼一邊行騷，一邊吹泡泡，性感奔放。
貝安琪指游泳時都會穿比堅尼，故不覺得尷尬，還說：「喺香港我只會去泳池游水，唔會去沙灘，不過喺外國就冇所謂。」她更談到有不少外籍朋友經常裸泳，但自己就不會嘗試。
盛讚型男好玩
最近貝安琪接拍劉偉強執導電影《傷城》，正式進軍影圈，且與金城武有不少對手戲。
問貝安琪面對型男會否感到壓力？她說：「我唔覺得大壓力，反而好好玩就真，金城武真係好靚仔呀，同埋開工時導演成日講笑，氣氛好輕鬆。」那她可有乘機教對方講一兩句德文以加強溝通？貝安琪表示：「冇呀，我哋都係講廣東話溝通嘅。」
問到有否或想不想跟金城武拍接吻鏡頭時，貝安琪忽然一臉害羞地說：「哎吔，乜你哋問啲咁嘅問題㗎？」
否認九巴情緣
早前有雜誌在網上找到一批有「翻版鍾楚紅」之稱的混血女模CaraG.與九巴太子爺雷永晃的合照，對於報道指兩人拍拖，CaraG.昨日否認說：「我同佢係識咗好多年嘅familyfriend，我已經有一個外國男友㗎喇！」
採訪、攝影:吳天慧
