劉心悠噚日去到商台為廣播劇《黃金少年》錄音，前晚劉心悠去咗睇《歌聲魅影》，佢話最鍾意魅影呢個角色。對於郭富城會擔任亞洲版《歌聲魅影》嘅男主角，劉心悠就話好期待，因為佢心目中城城都係做啲好型嘅角色，佢相信對方做魅影的話一定會好好睇。劉心悠仲覺得由衞蘭做女主角、彭羚做第二女主角就最適合。