昨日提到3隻與北京中信有關連的股份，結果有兩隻升一隻跌，最勁就係復牌嘅天地數碼（500），借獲中信入股消息，最高炒上至2.70元，收2.125元，升14.87％，成交金額高達5955萬元，反映中信牌頭仍有一定號召力。
至於中信資源（1205）則公布以7.6億元收購印尼油田權益，股價最高見1.43元，收1.36元，升5.43％。不過，連日勁升的中信21世紀（241）就見回氣，跌3.36％，收1.15元。
另外，靜咗一排的威勝儀表（3393），昨日獲里昂出報告唱好，股價即升7.8％，收3.45元。威勝儀表嘅業務係生產電子電度錶，客戶主要係大陸的電網公司。里昂話威勝喺行內好有地位，又得知公司同廣東電網簽咗張大定單。大陸上市嘅行家，間間做緊30幾倍PE，甚至50倍PE，威勝10倍多些少，自然吸引。
慕容小初