有外科專科醫生透露，類似阿灝的傷勢，並無規定必須使用麻醉處理，要看醫生臨場判斷。該名李姓醫生解釋說：「手指呢個部位好敏感，正所謂『十指痛歸心』，畀麻醉針插入都會好痛，所以醫生會個別評估，睇吓邊樣痛少啲，同埋治療過程係咪可以好快完成，然後決定落唔落藥。雖然對痛楚反應，人人都唔同，但以我嚟講，處理咁細嘅小朋友，就會做局部麻醉。因為小朋友忍唔到痛，好難控制唔郁，打咗針就可以減低佢掙扎機會，方便進行治療。」
至於把破甲插回指縫，則有必要。李醫生說：「隻指甲已經夾到鬆晒嘅話，好難打理同生番埋，情況好似做手術，破開咗嘅皮膚一樣，就算唔縫針，傷口都可以自然埋口，不過會慢好多同更加痛，外觀又唔靚。所以醫生幫個小朋友，固定番塊指甲都好合埋。」