陳小春前晚在《勁歌》跟組合at17合唱多首金曲，不過當他唱到張立基的《ElectricGirl》時，因忘記歌詞而甩嘴，惟有低頭偷笑跳舞遮醜，但談到張學友最近跟狗仔隊發生衝突一事時，就直言傳媒過份。
陳小春、鄭嘉穎、鄭希怡、泳兒及關智斌等，前晚在將軍澳電視廣播城錄影《勁歌金曲》，小春更與組合兼主持at17crossover合唱80年代多首經典金曲，包括林子祥的《似夢迷離》及張學友的《再度重遇你》等。
不過當小春唱到張立基的《ElectricGirl》時，因忘記歌詞而頻頻甩嘴，他只好尷尬低頭，一邊笑一邊跳舞解窘。
「學友都辣㷫」
最近有雜誌報道指張學友偕妻羅美薇與張國榮摯愛唐鶴德（唐唐）飯局後，跟狗仔隊發生爭執，小春也曾經多次與狗仔隊起衝突，對此他說：「基本上狗仔隊呢種動物好危險，我係過來人，如果連學友都辣㷫埋，咁真係有問題。人哋只係一家人去食飯，又唔係拖住BB去偷情，所以佢哋真係好過份！」
新歌盡訴心聲
此外，鄭嘉穎透露將於下月推出新曲加精選大碟，除了收錄多首舊歌外，隨碟還附送MV以饗歌迷。鄭嘉穎笑說：「大家可以見番我以前棒球小子嘅造型，我自己睇番都笑。碟裏面仲有首新歌叫做《鄭重聲明》，呢首歌係我嘅心聲，道出入行嘅心路歷程同對感情嘅感受。」
採訪、攝影：葉君海
