遭門縫夾傷手指，是小孩常見意外。兒科醫生李家仁說：「俾門夾到手指好常見，父母可以用清水同個小朋友，沖沖個傷口，再用紗布包住個指頭同㩒住佢，盡快去睇醫生，如果個小朋友痛得好緊要，可以先畀粒『必理痛』佢食，等佢冇咁辛苦。如果醫生見塊指甲已經離晒，就要打止痛針，剝咗佢，等佢慢慢生番。」
李家仁提醒家長，切勿讓幼童獨個接近窗戶及升降機門。他說：「細路仔最危險梗係走埋窗邊，如果冇鎖好，分分鐘跌死。但係升降機都要好小心，因為畀佢哋隻手伸入兩邊門縫，如果碰啱道門正在開合嘅話，咁細隻嘅手，隨時成隻被扯入去，咁會好『大鑊』！所以家長照顧兩、三歲嘅幼童時，唯一辦法係小心，無時無刻睇住佢哋，防止發生意外。」