玉女掌門人周慧敏早前因忙於個唱而消瘦不少，昨日她穿上吊帶低胸裙到金鐘出席「PhillipWain愛心舞動30年」記者會，身形纖瘦，我見猶憐。昨日以代言人身份宣傳的周慧敏，見現場有八名保良局小朋友表演舞蹈，看得十分開心。
勤學瑜伽
周慧敏現時體重只得103磅，但她無意再增磅，她表示自己只是打回原形，不過對於韓君婷因厭食而變成「火柴人」身形，周慧敏坦言有看過報道，她說：「我啲骨細啲，𠵱家磅數差唔多，自己其實唔鍾意太瘦，女仔要圓潤啲先好睇，我都唔贊成減肥減到好瘦，應該要用健康嘅途徑，我自己就會少食多餐，不過我有個習慣就係一做嘢就唔會覺得肚餓，但只要一放鬆就會食好多。」
早前周慧敏曾經學拉丁舞，現時卻有意學習瑜伽，原來她覺得練瑜伽可以幫助血液循環，對身體有益。她表示自己未擔任代言人時就如一個機械人一樣，身體欠缺柔軟度，不過自從她學識了拉筋後，身體不會經常硬邦邦，至於被問到會否與男友倪震一齊拉筋時，周慧敏就笑說：「佢比我軟，唔使要咁柔軟。」
採訪：駱華齡 攝影：陳偉權
