ARoseisaroseisarose。衣衫與你的國度裏，喱士的地位正如玫瑰之於眾花，那份驕矜浪漫，相信無其他質料能夠匹敵。一介民女當然無能力擁有ChanelHauteCouture般的蕾絲霓裳，百客自然有百貨，市面亦有多如沙數的喱士衣衫選擇，如何以最抵的價錢買到「揀手靚蕾」，今日請來出名「愛喱」的Boutique老闆娘Doreen提供個人心得，也順道評評坊間「着喱」民女着得O唔OK。
記者：吳小明 攝影：譚盈傑、周旭文
喱士專家Doreen
念FineArts出身的Doreen，曾任廣告公司，負責有關美指工作，時裝品味早養成。現為時裝店Magenta的老闆娘，對古典浪漫服飾情有獨鍾，收藏喱士服飾多年，店子忠實捧場客包括名模周汶錡等。
淺啡喱士Top$2××
（購於銅鑼灣某商場）
評語：不規則剪裁的喱士上衣，經已相當Eye-catching，其他衣飾就可簡則簡，露趾涼鞋襯番件喱士衫之餘，手袋沒有刻意再襯到絕，十分聰明；淡藍色的手袋跟衫鞋的啡調也很諧和，可說是眾女中穿得最好的一個。
白色雪紡喱士背心$2××
（購於銅鑼灣金百利商場）
評語：身形不俗，係着甚麼也好看的類型，不過這件喱士背心的細節太Loud，百褶經已好有份量，再加埋ScallopLace大波浪綑邊，太多嘢了，連牛仔裙也有閃石細節，有睇到眼花之感，若果換條Plain一點的直腳或三個骨牛仔褲會好少少。
淡黃色綴喱士蝙蝠袖上衣$438
（購於銅鑼灣金百利商場）
評語：呢件喱士綴邊的上衣幾有層次感，好在喱士只點綴在袖位及衫腳等位置，明顯得來沒有譁眾取寵的感覺，Eva以一長一短頸鏈相襯，亦很恰當，下身的牛仔褲亦能中和上身的女性化，不俗。
白色綴喱士背心$20
（於葵涌廣場）
評語：件白色喱士背心襯件咁花嘅TankTop，幾乎唔覺眼件喱士衫仔嘅存在，不如唔着件喱士背心仲好，反正件花花TankTop同白色綴布章外套已經夠層次及花巧有餘。
粉紅色綴黑色喱士薄紗恤衫$3××
（購於葵涌廣場）
評語：粉紅跟黑絕對是靚得交關的顏色組合，黑色喱士邊跟衫上黑色嘴唇圖案亦夾得OK，不過條牛仔褲上的Print就稍嫌多咗。
藍色綴喱士背心$49（銅鑼灣女人街檔口仔）
桃紅色綴喱士背心（價錢不詳 購買地點不詳）
評語：比較保守穩陣，喱士點綴可有可無，藍色喱士背心露出太少邊，而桃紅色喱士背心配黑色Cardigan，太似一般OL，唔啱小妹妺，老氣咗。兩件背心打孖着加啲Layering，會後生番啲。
綴喱士吊飾頸鏈$490
（購於銅鑼灣金百利商場）
評語：以喱士綴飾頸鏈作全身打扮焦點，不俗；上身的LowCut束胸及Flare下襬設計，既強調胸部線條，又能掩飾腰腹贅肉！唯一可挑剔係三個骨褲太闊。
平正喱士逐件捉
坊間咁多喱士衣物，由輕量級係咁意綑些少喱士邊，到重量級「全件喱」嘅都有，價錢由數十至過千不等，不是說貴的一定靚，但CheapCheap幾十蚊貨仔的質感當然不能期望太高，但求着上身唔拮肉已經可以接受，講求手工有幾細緻就未免過份苛求嘞啩。
輕量級
中重量級
售賣點
（2）2068（29447862）銅鑼灣金百利商場2/F250號舖
（B）Bauhaus（28823551）銅鑼灣記利佐治街1號地下2-3號舖
（J）JDC（25758805）銅鑼灣羅素街22號地下
（M）Magneta（29722029）銅鑼灣名店廊F10號舖
（P）Paddyfield（28826093）銅鑼灣金百利商場210號舖
（UN）Uniqlo（23148886）尖沙嘴美麗華商場2/F2006號舖
（UP）UpdateFashion（81096288）銅鑼灣渣甸街36號D1地下
（Z）Zara（25060070）銅鑼灣時代廣場313-316號舖
實用Bible
一、點分靚喱士？
Doreen話，基本上是天然布料如絲、棉、麻織出的喱士，質感及柔滑度方面都經已不是人造纖維可比，就算不是老手，也一摸就懂分辨；其次是看有無針步線頭的痕迹，若有的話就好大機會不是原塊網布織出來，再看織花的凹凸感強不強，也可判斷一塊喱士靚與否。
二、平喱士也有好嘢
這些都是深水埗布行一帶可以買到的廉價喱士，統統是十元八塊一碼的平價貨色，但由於都是在網面上再行織花，比較有質感，顏色以OffWhite、米色及金線等為主，容易有Vintage感覺。
三、彈性喱士無好嘢
這些俗稱的水溶性喱士，通常都以人造纖維織造，有彈性，可以拉長如橡筋，織花無凹凸感、無層次感，多用在廉價內衣上，顏色又太鮮，應盡量避免。
