李彩華（阿Rain）最近雙喜臨門，皆因她一直視為囝囝和新抱仔的一對松鼠狗：腿腿和甜甜添丁，誕下兩仔一女，可惜BB女出生不久便告夭折。榮升外婆的阿Rain自言五行欠火，故為兩名外孫改名火火和爆爆，希望為自己帶來好運。
李彩華視如己出的松鼠狗甜甜上月底與老公仔腿腿「造狗」成功，順利誕下三頭愛情結晶品。甜甜臨盆當日，阿Rain大清早就外出工作，錯過了BB出世的珍貴時刻。
帶甜甜做絕育手術
阿Rain說：「嗰日好彩媽咪同工人發現得早，即刻同甜甜接生，佢哋先後接咗三隻出嚟，兩仔一女，不過囡囡喺第二日就夭折咗，我哋都好傷心。」
升格為外婆的阿Rain抱着可愛的狗BB，不禁讚歎生命的奧妙，她說：「我抱佢哋嘅時候都未開眼，好細隻，好似老鼠仔咁。」
經過阿Rain悉心照顧下，兩隻狗BB一日一日成長，近日還長出了狗毛，阿Rain興奮地說：「我已經帶咗佢哋去打針，醫生檢查過都話佢哋好健康呀！」甜甜誕下小寶寶後，身體一度變得很虛弱，阿Rain說：「我等佢身體復元就帶佢去做結紮手術，我唔想佢再生。」
談到外孫的名字，一頭叫火火，另一頭叫爆爆，阿Rain笑道：「相士話我五行欠火，咪同佢哋改呢個名，夾番我囉！」
彈同業整容唔敢認
此外，阿Rain昨日到商台接受訪問，主持問她現時與「一仔」的關係時，她即大耍太極說：「一仔，梁俊一呀？」當主持表明是指其緋聞男友蕭定一時，阿Rain就說：「我同佢係長期合作夥伴，我諗佢唔係一仔，而係一哥囉。」
談到名媛尹婉媚日前承認整容一事，她表示：「佢敢認真係好叻呀，我睇報紙，見到有啲人明明整完之後，擺明好多人都睇得出，但係又話化妝師化得好！」
採訪：比華利、李珮洳
