身為全國政協，多啲了解國情都好應該，不過蔣麗芸（Ann）做政協就真係認真過人，03年專登走去報讀中國社會科學院、社會科學系下面嘅城市發展戰略規劃博士課程，吸收吓中國經濟發展嘅知識。
最初第一個學期，阿Ann話真係好辛苦，事關隔一個星期佢就要飛去北京上堂幾日；好彩佢遷就到時間，每3個月先北上一次進行密集式上堂，咁就慳番唔少時間。經過三年努力，阿Ann終於喺今個月初畢業，原來佢仲係嗰科首個博士畢業嘅香港人，認真巴閉。
雖然嚟自民建聯，但阿Ann好君真，話好支持陳太同葉太出嚟選立法會，話至少可以去蕪存菁，真係可圈可點。佢仲建議民建聯整個政制報告，點明某個年度可以普選，跟住盡力workout，唔知民建聯啲大佬收唔收到呢？