邀請陳鍵鋒（Samuel）做訪問，叫他選一項運動拍照，他說：「網球吖！我好想學呀！」他平日愛打壁球、羽毛球、游水，都算頗活躍，而且很易大汗淋漓，自然要注意皮膚的清潔，佢話：「男仔護膚用最簡單的方法就夠，肯搽cream好畀面啦！」
記者：馬靜兒 攝影：陳偉強
場地提供：康業服務有限公司——將軍澳中心
服裝提供：adidas
Samuel話小時候踢足球，曾經被足球省爆眼，自此唔再玩大型球類運動，話有陰影喎！其實無論玩網球又好，踢足球或打籃球又好，一樣會出汗，汗水黏在面上，自然對皮膚唔好。所以即使幾唔姿整嘅男仔都一定要做基本護膚，更何況陳鍵鋒官仔骨骨又貪靚，自然更注重保養功夫。一於先跟佢做個小測試，睇下佢對護膚扮靚嘅常識有幾叻。
Samuel扮靚小習慣
身為藝人，經常要以最佳狀態示人，自然會有很多扮靚心得，所以亦趁機捉住Samuel，要佢過幾招同大家分享。
1.香水噴頸後：平日和朋友食飯或出席活動，Samuel會塗淡古龍水於脈搏和頸後位置，有時甚至將香水噴在床上，令香味更自然。
2.愛沖涼：Samuel很喜歡沖涼，最高紀錄1日沖4至5次。「有時落街一會，返到屋企好熱，會沖一沖身。」真係密過一日三餐。
3.小腿搽cream：冬天一定會塗護膚霜，特別是小腿位置，否則成個人好似發霉咁。
教你洗面
陳鍵鋒的護膚常識都唔錯，問佢有無試過DIY做護膚品，他答：「男仔點會用咁多時間DIY，我喜歡買product返屋企用，簡簡單單就OK！最重視洗面和搽cream，以前家姐搽面時，會唧多啲畀我囉！」既然由細用到大，就搵Samuel示範正確嘅洗面護膚程序。
Steps
1.潔面啫喱唧在掌心，捽開，塗上面打圈，用清水洗淨。
2.磨砂膏加水推開，打圈按摩全面，特別留意鼻翼兩邊、T字位和頸部，用清水沖洗。
3.潔面後記得薄塗一層面霜，否則皮膚好易出油。
Samuel推介
a.冰涼鬚後啫喱$49.9
含薄荷保濕成份，可舒緩敏感不適，滋潤及清爽皮膚。
b.男士潔面啫喱$59.9
含礦物精華，能清潔毛孔的油脂及污垢。
c.男士面部磨砂啫喱$49.9
能深層潔淨皮膚，有效清除毛孔污垢及死皮。
d.男士滋潤面霜$49.9
潤而不膩，能迅速被皮膚吸收。
活力系列男士香體沐浴露$39.9
Samuel個人推介含青草和橙香味，沖完很fresh！
a.冰涼系列男士香體噴霧$39.9
b.魅力系列男士走珠止汗露$29.9
（Allfromadidas 26355951）
救亡Tips
Samuel清靚白淨，面上沒有半點暗瘡或敏感粒粒。不過，有時他的皮膚都會有差的情況，但他卻自有一套解救方法。
1.皮膚敏感敷水份面膜
有時要到又乾又凍的地方開工，皮膚很易敏感，出現粒粒。Samuel教路可連續1星期敷水份mask，問題就會自然解決。
2.爽膚水退眼腫
若朝早起身眼腫腫，不妨以爽膚水浸濕兩塊化妝棉，放入雪櫃，待洗面刷牙後，將雪凍的化妝棉敷上眼，待一段時間後就能退腫。
3.狂撥水收毛孔
想收細毛孔，洗完面後可狂用凍水潑面，再塗爽膚水就掂。
4.吸收蛋白質護膚
Samuel對牛奶敏感，要護膚佢會食膠原蛋白較豐富的食物，如燕窩、花膠、鵝掌、蛋白等。
扮靚冷知識
1.香水味道有冇分唔同層次？
Samuel：香水會根據體溫而有所轉變，所以剛噴和噴完一段時間，味道會有啲唔同。
答案：香水有分初調、中調和基調，而味道會因時間和成份而散發有不同香味。 10分
2.沖涼時可以順手洗面？
Samuel：應該一步還一步，洗頭時，泡沫會沖落面部，可能對面部皮膚有不良效果。
答案：洗頭時，熱水流到面部引致皮膚乾燥，所以應該洗面後才洗頭，將兩個步驟分開。 20分
3.塗防曬霜後是否如常洗面？
Samuel：我很少搽防曬霜，但當然係如常洗面啦！
答案：即使是陰天、雨天都要搽防曬霜，夜晚洗面時都要用有卸妝功效嘅潔面用品，否則防曬霜成份會黏在皮膚上，傷害皮膚。 0分
4.一星期可以做多少次磨砂？
Samuel：我屬於混合性皮膚，1星期做2次就夠啦！
答案：每星期做1至2次。 20分
5.你用嘅爽膚水是否含酒精？
Samuel：我不用有酒精成份嘅爽膚水，因為酒精會吸走皮膚水份。
答案：應該用酒精成份低或不含酒精嘅爽膚水。 20分
TotalScore：70 過關
