鄧永鏘前晚往銅鑼灣出席雕塑展，其妻Lucy將大會貼紙貼在他的重要位置，玩得的他顯得一臉受落。提到早前大劉劉鑾雄登全版廣告祝賀李嘉欣生日，他指這做法太俗，浪漫不需公開，加上愛情不需要講價錢。
鄧永鏘前晚與妻子Lucy、胞妹鄧霓儀及兒子鄧裕鏗往銅鑼灣時代廣場，出席好友朱銘的雕塑展，他透露位於西貢的別墅已擺放20多件朱銘的作品。
一向鬼馬的鄧永鏘如常出位，其妻Lucy將大會貼紙貼在他下身重要位置，他毫不抗拒反而哈哈大笑，一時又指要測試大會保安，作狀捧走朱銘的作品。問他對早前大劉劉鑾雄登報向李嘉欣賀生日一事有何看法？他說：「我覺得好俗，浪漫係唔需要公開，不過如果佢（指大劉）大把錢，對佢嚟講當然濕濕碎，有錢有有錢嘅做法，冇錢都有冇錢嘅做法，愛情唔需要講價錢嘅，不過可能有人十幾二十萬對於佢嚟講係兩毫子啫。」
然後鄧永鏘反問記者李嘉欣今年幾多歲，記者告訴他嘉欣今年36歲後，他說：「哦，36、36歲同36吋都好成熟。」其後大讚嘉欣的確是美人，問他敢不敢追嘉欣？他說：「大把有錢佬啦，我冇資格呀。」那麼覺得嘉欣與許晉亨是否合襯？他說：「世界上好多靚女都唔一定配靚仔，有時仲係配醜男㖭，你估每對都係畢彼特同安琪蓮娜祖莉咩？」
遊地中海慶生辰
下月52歲生日的鄧永鏘透露會與妻子往地中海及克羅地亞遊船河，他說：「可惜吖，同老婆去，克羅地亞好多靚女㗎。」問他52歲應該仍有心有力，會否與妻子造人？他說：「何生80幾歲仲咁勁，我仲有40幾年。」
此外，出席雕塑展的還包括何超瓊，她被問到與前夫許晉亨是否已辦妥離婚手續時說：「冇時間嘛，報紙話佢去咗巴黎，我就忙工作，佢就忙happy，佢happy我就高興啦！」
採訪：RitaLeung 攝影：ChenWaiOn
