歐倩怡昨日親證今年會與拍拖七年的男友郭晉安結婚，她表示安仔在毫無浪漫氣氛下贏得美人歸，只承諾待歐倩怡增肥後會送上重量級鑽戒作禮物，令準旺嫂幸福笑容滿瀉。
歐倩怡、宣萱、吳國敬、曾志偉和林曉峰等昨日在將軍澳電視廣播城錄影遊戲節目《15/16》，宣萱和許紹雄碰見歐倩怡即連聲恭賀，似乎早知二人的婚事。只見歐倩怡臉上流露出幸福笑容，在《阿旺新傳》演阿旺老婆仔的宣萱戥好友高興說：「真正老婆就快出現，我可以退役。」
求婚冇花
雖然有指歐倩怡將於下月在香港迪士尼樂園舉行婚禮，她昨日只認婚期是在今年，至於會否在迪士尼舉行，她說：「有朋友提議過，但我鍾意日本迪士尼多啲喎。」歐倩怡還爆安仔求婚的經過說：「求婚係兩年前嘅事，跟住一直都冇時間，如果安仔又要返內地拍劇，可能又要延期。雖然求婚冇禮物，但安仔話等我肥啲先正式買份禮物畀我，到時可以戴大卡啲大隻啲嘅鑽戒，佢求婚時仲話肥咗就可以全部兌現。」
努力增肥
歐倩怡完成無綫節目《心大心細》後便會專注書展宣傳，然後留在家中閉關寫書，準備推出製作甜品書籍，她更會多吃美食增肥，她說：「最緊要肥得健康，冇定標準要增幾多磅，身材有線條美就最好啦。」
至於會否生小朋友，歐倩怡則說：「呢樣嘢係女性必經階段，生小朋友順其自然。」
採訪、攝影：卓寶花
