古巨基、周慧敏拍天光

古巨基（右）搵嚟周慧敏（左）參演佢首次操刀做導演嘅新歌《愛得太遲》做女主角，由前日下晝開工直踩通頂到天光。噚日凌晨一點左右，周慧敏同基仔去到中環蘭桂坊一間酒吧拍攝，劇情講述周慧敏攞住盒小禮物到場後，基仔先匆匆趕至。雖然呢組鏡頭好簡單，但基仔就好緊張，每有空檔就走出露天位置睇位，仲落手落腳搞布景，細心到親自斟酒同將花束擺喺餐桌上。