年僅23歲、擁有36E驕人上圍的李蘢怡（Tiffany）前晚以超低胸裝亮相無綫節目《美女廚房》，大騷跌墮八字胸，連攝影師都要避拍春光，嘉賓張堅庭直指其服飾三級。Tiffany又直認曾與緋聞男友杜德偉約會數次，但否認與他拍拖。
李蘢怡、黃伊汶和鄭融前晚到將軍澳電視廣播城擔任節目《美女廚房》嘉賓，三位都是身材有料之人，惟獨擁36E驕人上圍的Tiffany以性感低胸上衣襯工人褲，但年僅23歲的她卻胸部下垂，於清洗五花腩時不停搖擺身體，現場頓時春色蕩漾，烹調菜餚時又經常俯身，上衣愈跌愈低，攝影師即馬上將鏡頭移離她，以免超越電視尺度，她也不時用手掩住胸口，卻被主持鄭中基取笑：「你心口痛呀？」
「監製叫着性感啲」
張堅庭及田啟文（田雞）擔任嘉賓評判，對於以往多集的女嘉賓切食物相當驚險，又被指虐待動物，田雞遂問鄭中基：「咁煮嘢法要唔要家長指引㗎？」鄭中基說：「你當觀眾儍㗎咩？梗唔會跟住咁啦。其實你哋覺得會唔會好三級呢？」張堅庭即趁機揶揄Tiffany謂：「服飾就有啲三級，有啲嘉賓上嚟唔好諗住着到咁可以轉移視線。」
Tiffany事後表示聽不到張堅庭的說話，她說：「我諗住有圍裙着嘛，點知今日唔畀着。我本來唔係着呢件衫，監製叫我着性感啲，我要聽話。」
有傳Tiffany與杜德偉相戀數月，早前還在台灣密會，她否認說：「唔係拍拖，我係有去台灣，大家識咗唔耐，我完全冇諗呢個問題。」問她有否在台灣約會杜德偉？她說：「唔想答喎。大家朋友啫，冇諗過咁多，出過幾次街囉！」不過她大讚杜德偉說：「我睇人唔係睇外表，係睇心地同埋性格，佢好nice、好gentleman。」
談到曾因感情影響事業而揚言以事業為重，問Tiffany會否因此不敢投入另一段感情？她說：「可能係。」
李樂詩認做媒人
此外，李樂詩昨日到商台接受訪問，她自爆是Tiffany和杜德偉的媒人，是她在朋友的生日會上介紹二人認識，問她覺得二人是否合襯？李樂詩笑說：「兩個都係靚仔靚女，雖然年齡有相差，不過唔係大問題，最重要係溝通啫。」
採訪：卓美娟
攝影：陳順禎
