市民在購買美容連鎖店服務套票前要注意，如居所附近之分店突然結業，消費者分分鐘要去其他較遠的分店接受美容服務。
讀者林小姐投訴，2月時向香港化粧品中心購入30次的穴位按摩套票，卻因店舖預先張揚「執笠」而大失預算。林小姐說：「嗰陣我用咗成五千幾蚊，買呢啲套票，都係貪佢間舖近我屋企，同埋嗰個駐店嘅穴位按摩師傅手勢好。點知呢間美容院5月尾時，就寄封信畀我，話北角分店會喺7月尾停止營業，叫我喺限期內用埋啲套票。但咁短時間，點可能用得晒呀！」
即使改向其他分店續用服務，亦不可行。林小姐說：「佢哋其他嘅分店，全部都好遠同唔『就腳』，迫我轉去嗰度用埋啲套票，車錢時間都蝕埋；另外話畀我換化妝品，抵銷啲套票尾數，又係唔實際。因為我用開嘅化妝品都唔係佢哋啲牌子，而且有排都未用完，夾硬換其他化妝品，咪盞擺到過晒期！」
消委會介入調解
香港化粧品中心發言人回覆本報指，由於北角店業績未符理想，所以決定重整業務，該店將停止營業。公司並已向林小姐提出三個建議，分別為於20/07前使用餘下金額；往香港仔、元朗或沙田分店繼續使用有關之美容或纖體療程；將療程餘額悉數換取各指定牌子護膚品。但有關建議最初俱未獲林小姐滿意，並向本報及消委會投訴。經消委會介入調解及公司進一步考慮後，香港化粧品中心決定將林小姐之個案作特殊處理，延長換領其他化妝品之限期，至明年2月，此建議初步已獲林小姐接受，只待最後確認。
檔案編號：0704044
是否違約視乎條款
消費者委員會發言人指出，曾接過市民投訴，指購買套票後，因店方結束部份分店而造成不便。她說：「有冇違約，要睇合約條款點寫。但店方亦已經提出其他方案，畀顧客選擇，如果消費者仍然唔滿意，可以向消委會投訴，等我哋調停，睇吓可唔可以搵到大家滿意嘅解決方法。」