聯想新發布嘅年報披露，收購IBM個人電腦業後，首任總裁兼首席執行官StephenM.Ward，雖然只履新八個月就俾人辭退，但期內獲得酬金高達約1.214億，遠高於主席楊元慶嘅2174.7萬，以及期內履新三個月嘅第二任總裁WilliamJ.Amelio的1882.7萬。
Stephen嘅酬金中，高達7660.9萬係長期激勵及保留獎勵金，2184萬係來自退休金計劃嘅僱主供款，1248萬係失去董事職位嘅彌償；至於基本薪金，其實只有336.8萬，酌情獎金566.3萬，其他福利143.6萬。
楊主席嘅酬金雖然遠遠不及首任總裁，但收購IBM後，酬金亦由05年度嘅423.8萬，大幅增加4倍幾至2174.7萬。