【本報訊】政府磨刀霍霍，密謀要全港市民無論衣食住行，都要繳交約5%的商品及服務稅。「全民萬稅」的建議惹來市民狂轟，中產擔心開徵新稅會打殘消費市道，摧毀本港經濟；基層市民坦言生活捉襟見肘，根本無能力繳交新稅。
有市民無奈說：「香港人受咗咁耐苦，（政府）聽民意𠵱家就聽到啦」，希望政府不要開徵銷售稅。
食品必定要豁免
多名聽眾昨日致電香港電台節目《千禧年代》反對銷售稅。曾在加拿大居住的聽眾陳小姐表示，該國也有徵收銷售稅，「每次出街都要比15%稅，所以唔出街食嘢，買衫要到聖誕節Bigsale（大減價）先去，凌晨就去排長龍買。」特首曾蔭權不斷勸人「生三個」，但陳小姐指，香港一罐奶粉也要150元，「𠵱家都好貴，如果要比稅，食品必須豁免。」她並指銷售稅漏洞多多，例如小販或會將稅款收起，政府難以監察。
憂消費市道收縮
聽眾李先生批評銷售稅「對中產好唔公道」，擔心銷售稅會令消費市道收縮，令已復蘇的經濟又變呆滯。
另一聽眾容先生表示，銷售稅會害慘低下階層，「我哋𠵱家唔駛畀稅，（人工）都唔夠用，重要納稅就真係唔掂。」政府放風稱可能會為綜援戶或低收入人士發放現金津貼，但容先生擔心這些「甜頭」隨時收回，「一Cut就咩都冇」。