光榮手握《三國志》系列十幾年，真係長賣長有，仲要PC版、家用版兩邊都搵到銀！今年頭出到《三國志11》，廠方號稱踏入真正全3D世界，由戰鬥版圖、內政同一騎討，均以全3D製作，好處係人物動作更靈活豐富，更配以水墨畫風作多邊形貼圖，令三國世界更真實呈現。
新作將移植至PS2，最好玩嘅「講數」系統仍然存在，即係將過往嘅外交系統提升，跟敵國交涉、勸降等，雙方均會派出一員口才了得之士，出嚟舌劍唇槍一番，玩家需活用各種講數指令，如道理、故事、說得令對方折服。PS2版更新增「發怒」指令，諸葛亮終於可以喪罵劉備！講唔掂數大可發脾四兇敵人，面對一啲文官或可收效。
其他PS2版新增點方面，除咗加入3個新劇本、2個史實劇本外，亦將加入關平、崔州平、張飛老婆夏侯氏等一共18人，更加入PC版欠缺嘅日語配音，㗎仔玩起上嚟肯定更為熱血！
相關網址： http://www.gamecity.ne.jp/sangokushi/11ps2/
記者：徐影龍