先後獲殼王寵愛的郭羨妮及葉璇分別肖虎和肖猴,堪輿家麥玲玲昨日指二人生肖相沖,她說:「郭羨妮嘅命相係冇乜嘢機會使男人錢,反而仲跌番啲錢出去,比較要靠自己,死硬派同過份主觀嘅性格,同葉璇嘅命相就啱啱相反,葉璇好容易會使到男人錢,而且佢善解人意嘅性格,容易𠱁人開心。」
麥玲玲又指郭羨妮不宜與年紀較大的男士拍拖,而且愈遲婚愈好,起碼要等到35歲後,相反葉璇則與年紀大的男士匹配。論兩女的命格與面相哪個與殼王較相配,麥玲玲說:「葉璇旺佢多啲,殼王對眼好旺桃花,個鼻又大,佢好啱配小鳥依人嘅女仔,葉璇嘴細細,好識講嘢。」