張學友昨日以香港迪士尼樂園大使身份出席記者會，宣布該樂園新設了三個遊戲，他說：「細女仲未識玩，大女約一歲時去過迪士尼，雖然佢見到大公仔會驚，但係有好多遊戲都適合細路仔玩。」
最近有報道指學友與太太羅美薇和友人飯後回家時，向尾隨的狗仔隊發火，搶相機及箍頸，他昨日說：「我冇醉酒駕駛，全段報道唯一真嘅係我有搶佢相機，另一隻手按住佢車門。當日我同太太食完飯返屋企，我唔想畀佢哋知搬新屋，所以兜咗一陣。兜到去壽臣山道遇到倔頭巷，佢哋用車攔住我。我分唔到佢係記者定賊，太太留喺車鎖門報警。」
「冇後悔咁做」
學友續說：「我要保護屋企人，就落車睇乜事。我到呢一刻都諗緊我係咪衝動咗走落車，但我冇後悔咁做。當時差人已做足所有嘢先走，如果我飲咗酒，差人點會唔知？」
採訪、攝影：王連連