郭羨妮、陶大宇、容祖兒和吳卓羲等昨日為無綫新劇《學警出更》試造型。劇中飾演郭羨妮丈夫的大宇，應監製要求將肌膚曬得古銅色。自言曬燈時一絲不掛的他，被問到可會擔心曬傷脆弱的重要部位時說：「我嗰度唔脆弱。」
郭羨妮、陶大宇、容祖兒、吳卓羲、楊怡、吳浩康及關智斌等昨日到將軍澳電視廣播城為無綫新劇《學警出更》試造型，首次飾演軍裝督察的郭羨妮穿上制服亮相，她興奮地說：「今次講我做投訴科，冇乜動作戲，會舒服啲，陶大宇做我老公，陳鍵鋒會暗戀我。」
吳卓羲未列黑名單
大宇表示雖然經常扮演警察，不過飾演軍裝沙展還是第一次，更應監製要求預先將皮膚曬黑，他說：「好多人都讚我曬黑之後健康咗，曬燈曬到好似上癮咁。𠵱家去曬燈係企喺度一絲不掛咁曬，唔會有泳褲痕。」問到可有做好保護措施，以防脆弱的重要部位受損？他說：「我嗰度唔脆弱，都不知幾堅強！」
早前有報道指吳卓羲拍攝《學警雄心》時，在警校超速駕駛而被列入黑名單，吳卓羲昨日現身粉碎易角的報道。對於未有穿上軍裝制服，他解釋說：「我𠵱家重有劇拍緊，要拍完先可以剪髮同染髮，所以今日唔着得制服。」
三年未有拍劇的容祖兒表示為了可騰出檔期拍劇，近期要盡快完成其他工作。至於在《學警雄心》中被判入獄的吳浩康，今次會改過自新，提到在拍攝《學警雄心》期間的藏毒事件，他說：「拍攝嘅時候的確有唔開心嘅事發生，不過同全劇演員合作好開心。」
採訪：卓美娟
攝影：陳順禎
