世盃踢足成個月，影音舖嘅硬碟錄影機大賣，雖然熱潮已過，不過市面仍有唔少抵玩機種值得入貨。杰科就新出咗款HDMI硬碟錄影機，二千幾蚊就有成250GB容量，可收錄348小時影片，足足兩個禮拜日夜不停錄都得！咪睇佢賣價抵玩，以為質素一般，輸出介面有至靚嘅HDMI（高清數碼影音介面），而且已獲得HDMI嘅官方認證，市面上只有部份日韓大牌子先有呢個認證，將佢接駁Plasma、LCDTV畫面都靚啲。
當然，咁大容量自不然儲低好多零散影片，透過機內編輯功能，就可將喜愛嘅影片分割、合併等，整理大堆影片更為得心應手，還可將之燒成DVD收藏或跟朋友分享！
查詢：冠致（23071505）
記者：徐影龍