劉德華與袁詠儀（靚靚）在電影《門徒》中飾演毒販夫妻並育有兩女，靚靚雖然已有身孕，但為了令其大肚婆造型更突出，仍要裝上假肚，華仔揚言對靚靚會特別照顧，而華仔見到戲中的兩個女兒，父愛大發，不時與細女玩，儼如一對真父女。
由劉德華、袁詠儀與吳彥祖等人主演的電影《門徒》，昨日分別於九龍城與九龍塘拍外景，華仔與靚靚在戲中飾演兩公婆並育有兩女，昨日他們一家四口終於曝光，靚靚雖已身懷六甲，但仍然要裝上假肚令其造型更似大肚婆，化了一個淡妝的她，穿上大肚裙，精神不錯，華仔更大讚說：「佢𠵱家個身形不知幾fit。」
華仔表示對靚靚會特別照顧，他說：「因為佢真係大肚婆嘛。」而他與戲中的兩個女兒相處融洽，他還父愛洋溢，不時抱起細女玩，又替她簽名，華仔說：「其實個大女都幾似我，個細女就似靚靚。」
自嘲有乖女
當細女見到華仔時便大叫他爹哋，華仔即打趣道：「唔好認呀，呢度有好多記者。」之前華仔常被傳有一名六歲女兒，昨日他也忍不住幽自己一默，不過當細女對他說今年九歲時，華仔笑說：「唉吔！咁你就唔係啦，傳我個女得六歲之嘛。」
戲中華仔以一頭白髮示人，連造型也比較老，他謂：「起初都有諗過將條眉染白，但係因為套戲有太多剪影，效果唔係咁好，所以就冇染到。」
此外，華仔投資的六套高清電影，其中《瘋狂的石頭》在內地上畫一星期，已達600多萬票房，成為內地票房冠軍，華仔感到非常高興，坦言這部戲為他賺了大錢，問他是否對做老闆增加了信心？華仔說：「咁又唔係喎，不過都希望之後再繼續投資呢類電影，亦都希望香港可以做到咁嘅成績，但香港比較難搵，因為個導演要捱得好辛苦。」
採訪：胡比 攝影：藍文浩
