剛在年頭推出過街機版嘅《筋肉人》，曾掀起過一陣擂台熱潮，到今個月27日亦會移植到PS2上，改名為《筋肉GPMax》，15名扮相超騎呢嘅好手，將再聚首一堂打鑊甘，連筋肉人兩父子都披甲上陣較量，而且街機版上嘅古怪招式全部保留，相信喺近期PS2上欠缺格鬥遊戲底下，應有唔少機迷會捧場。
有別於一般摔角類遊戲，甚至格鬥遊戲，呢隻《筋肉GPMax》有齊打擊技、必殺技、組合技及防衞技4大按掣，在防衞與攻擊間需取得平衡，否則一味齋擋將被對手施以連環摔技，而且呢類摔技大多變態兼侮辱，令對手實際損傷及心理打擊受到嚴重衝擊！
遊戲在月尾登場，喺日本預訂將附送「筋肉仔」錢箱，賣相冇佢老竇筋肉人咁惡趣味，相當之可愛，不過筆者認為，若係送「牛肉麵」錢箱嘅話，就真係「頂呱呱」喇。
記者：徐影龍
相關網址：www.kinnikuman-mp.com/ps2/