已故影星林翠個仔陳山河（左）冇做娛圈好耐，噚日有人分別致電香港同台灣嘅傳媒報料，謠傳陳山河七月八日喺廣州因病離世，佢同母異父嘅妹妹王馨平（右）噚日喺電話中鄭重否認，仲話之前先同陳山河通過電話，哥哥𠵱家喺上海教英文同做生意，至於舅父曾江一樣都住喺上海，王馨平話佢都打過畀曾江打聽陳山河嘅生活狀況，曾江都話好好，冇問題。