息影女星李影的女兒沈囗婷（Winnie），04年參選港姐落敗後即加入無綫當藝員。近來babyfat褪減後，整個人像脫胎換骨一樣，收身成功的她，急不及待到沙灘嬉水歎雪條，展現青春健康美。
現年20歲的沈囗婷，兩年前憑參選港姐晉身娛樂圈，恃着青春無敵，日前穿上三點式在沙灘嬉水消暑。
變走BabyFat
當年參選期間，Winnie身形仍有babyfat，但近日卻消瘦了不少。問到keepfit心得？她說：「主要係因為我𠵱家喺香港獨居，媽咪得閒先會嚟探我，媽咪一走，我就冇啖好食，就咁自自然然瘦咗。」
Winnie表示有媽咪照顧的日子相當優游，她說：「媽咪成日會煮啲我鍾意食嘅嘢，佢知我最鍾意食牛腩，但媽咪唔喺度，我又唔識煮嘢食，出街食又食唔多。」不過Winnie也樂得趁着這段日子收身，稍後更會與徐子珊齊齊接拍無綫新劇《學警出更》扮女警。
擅長自由式
曬得一身古銅色的Winnie，最愛的運動是游水，她說：「我多數游室內泳池，以前喺美國係學校泳隊，我擅長自由式。我唔鍾意去沙灘游水，因為海水好污糟。我嘅面色比較青，所以太白唔好睇，我今年開始去美容院曬太陽燈，咁樣膚色會均勻啲，黑啲又健康啲。」Winnie消暑的妙法是吃西瓜和自製雪條，她說：「西瓜好解渴，自製雪條又好健康，我會用果汁放入製雪條嘅冰格度整，又平又好味。」
採訪：比華利
攝影：陳俊強
化妝：RaymondYipofMaeVon
髮型：KimHoofSalonide
