特首噚日一年一度設宴，招待新近來港嘅外資代表，投資推廣署亦借機會，發布香港吸引外資嘅最新情況，署長盧維思話，香港仍然係相當吸引外資嘅地方。
今年首季，香港外來直接投資金額有131.6億美元，較去年同期增近一成；今年上半年計，單係投資推廣署協助來港或擴展業務嘅外資同內地企業，就有156家，較去年同期增8.3%，涉及投資金額有68.2億元，已相當於去年全年嘅77%；至於未來兩年，可創造職位4285個。
米老鼠仲請到法國無線技術企業微控科技公司，講吓點解最近喺香港設立亞太區研發中心。微控亞太區董事總經理DidierDutronc話，因為科技園能夠提供好好嘅科研設備，不過，佢好希望香港能夠喺知識產權上，好好教育吓內地，等啲科研產品有更好保障。