正在韓國拍攝外景的16位準港姐，昨日冒着三號風球展開埋身肉搏，首次穿三點式會見傳媒。4號黃瑩和12號謝穎珊分憑35C和33.75C超級導彈，射低大熱門「青衣薛凱琪」8號徐淑敏和「薄唇舒淇」5號呂慧儀搶鏡。 韓國直擊
應屆16位港姐仍在韓國濟州拍攝外景，昨日進入戲肉，一眾佳麗首次穿着泳衣登場，可惜撞正當地懸掛三號風球，大隊遂由原來取景的中文海水浴場移師Ramada酒店室內泳池拍攝。佳麗中除5號呂慧儀穿密實bratop型泳衣外，全部均穿三點式上陣，未知是否因近年有佳麗穿泳衣發生下體現形的不雅情況，所以今次佳麗們全都圍上薄紗遮掩下身，但燕瘦環肥身段也一覽無遺。
自信爆棚
「心目中冇乜對手」
青衣薛凱琪8號徐淑敏的曝光率一直為佳麗之冠，4號黃瑩和12號謝穎珊收埋的秘密武器昨天終大派用場，齊齊以Ccup驕人的上圍，掃低徐淑敏與呂慧儀成風頭躉，當記者要求兩位波霸港姐影合照時，兩人不期然互瞄對方胸部，惺惺相惜。
黃瑩不止上圍尺寸大，cup數也不弱，但她說：「唔係呀？阿珊（上圍35吋的曾瑞珊）都係同我一樣，呢幾日冇做situp收腰，影相要縮肚。」當記者問徐淑敏覺得哪位佳麗身材好，她卻自信爆燈說：「我覺得自己ok喎。」會否抗拒穿泳衣？她即晒命說：「慣咗，我對自己身材好滿意，勝在夠平均，冇keepfit喎，選美已經大壓力，過度節食會支持唔住。」但其右腰側有長約三吋疤痕，似曾接受手術。
另邊廂的13號陳茵媺也當波霸冇到，大口氣地說：「好滿意自己身材，自己喺最佳狀態，着泳衣唔會防走光，因為對大會好有信心。個個女仔都好嘅，但我心目中冇乜對手。」
港姐波霸現身的同時，7號周詠懿也憑35.5吋巨躉膺港姐籮霸，但她和16號邱泳恩穿泳衣卻有離罩情況，而日前被本報拍得夜半蒲吧媾仔的15號周家蔚則穿臍環。
安仔昅女
向牛一佳麗獻吻
就昨日所見，今屆港姐身材平均，因受打風影響而延誤返港的嘉賓郭晉安，也藉機留在濟州昅女，更任攝影師為佳麗影泳裝照，但期間一名香港排舞師卻趁水着佳麗出入時，不時觸摸她們身體，似有鹹豬手之嫌。
此外，昨日港姐曾到太平洋樂園，在專人指導下玩海豚，其間海豚轉身時弄濕10號曾瑞珊，令她十分狼狽；而前晚大隊為1號曾愛媚慶祝23歲生日，安仔更徇眾要求三度吻賀壽星女。
採訪：楊潔雯
攝影：陳偉權
