現年68歲、足球員出身的林尚義（阿叔），73年掛靴後擔任足球評述員，講波佬形象等同董驃講馬般深入民心。然而，隨着昨日世界盃結束，阿叔正式封咪退休，結束33年講波佬生涯。對於當代球王施丹被罰紅牌出場，阿叔感歎對方未能在最後一場賽事中畫上完美句號，在痛罵施丹「攞嚟衰」的同時，更自豪說：「我喺無怨無悔下退休。」
無綫《2006世界盃柏林爭霸》昨日凌晨於奧海城舉行，由林尚義、李克勤、伍晃榮和鍾志光等主持，黃宗澤、鄭嘉穎、吳卓羲、林峯、梁靖琪和戴夢夢等擔任嘉賓，吸引超過3,000市民到場觀戰。
堅拒客串講波
未知是否最後一次擔任足球評述員，阿叔顯得滿懷心事，直至法國球王施丹（ZinedineZidane）被罰紅牌出場時，阿叔不禁慨歎說：「非常可惜！一代名將，喺最後一場波，唔能夠畫上完美句號，真係自己攞嚟衰！」
賽事結束後，阿叔在台上回應世盃是非說：「搬弄是非太過無聊，好令人討厭。」其時鍾志光叫阿叔退休後，大可返無綫以傾偈形式講波，但阿叔語氣堅定表示「絕對不會」。之後，無綫總經理陳志雲代表無綫致送一個水晶足球給阿叔，而克勤與工作人員則送上心意卡，場面溫馨感人。
阿叔臨別依依向觀眾致謝時，禁不住兩眼通紅，阿叔說：「退休係人生必經階段，喺無怨無悔下退休，一啲都唔傷感，喺度要多謝足球年代捧我場嘅球迷，跟住要多謝掛靴之後轉去聽我講波嘅聽眾，最後係入咗電視台喺節目聽我講波嘅觀眾，多謝TVB送咁靚嘅紀念波畀我，我說話講完，阿叔從此退休！」此時台下觀眾大叫「阿叔！阿叔！」情景教人傷感。至昨日凌晨約五時半，阿叔換衫後拿着公事包準備登車離開，有不少fans專程等候跟阿叔合照留念，其中一女fans更送上得意毛公仔，令阿叔忍俊不禁。
退休後的阿叔，於昨晚七時半左右離開寓所，前往樓下士多購物，阿叔一發現記者即甚為勞氣，揚言自己退休生活跟平常無異，之後還大方給傳媒拍照。
採訪：王崇穎 攝影：陳俊強
