扒女李依琳（右）同吳彥祖嘅混血名模女友LisaS.（左），噚日分別代表意大利同法國隊現身觀塘，出席「意法世盃終極戰」活動，大煮意法菜。扒女放牛扒落鑊時熱油四濺，嚇到佢即時彈開，至於有三分一法國血統嘅LisaS.煮三文魚扒嗰陣就頭頭是道，睇唔出原來佢係入廚新手，反而男友吳彥祖最叻煎牛扒同羊扒，難怪LisaS.晒命話：「我係懶人，不過我好彩。」