中文大學體育運動科學系導師沈劍威強調，瑜伽減肥效果成疑。他說：「好多運動科學家都唔當瑜伽係有氧運動，質疑佢嘅減肥效果，紓緩壓力就有效。有哮喘、心臟病或者鼻敏感嘅人，喺特別溫度或濕度下，較易發病，做高溫瑜伽時要注意；瑜伽一啲特別動作，唔慣運動嘅人，好易唔自覺閉氣，夾硬做，令血壓下降，到呼氣嗰陣，血壓就飆升，對心臟負荷好大，會增加高血壓人士中風危險，同誘發心臟病。」
沈劍威指：「無論瑜伽邊種派別或其他運動，市民最好事前搵個有修讀過『運動處方課程』嘅醫生，做個運動能力檢查，等醫生因應病人健康狀況，好似膽固醇、血脂同其他健康指標，睇吓邊啲運動適宜做，邊啲要避免。」
由衞生署與醫學會合辦的「運動處方證書課程」，詳情可瀏覽 http://exerciseRx.cheu.gov.hk