由彭氏兄弟執導、李心潔主演的電影《鬼域》前晚在尖沙嘴設宴慶祝票房報捷，電影公司刻意為彭順和李心潔預演婚禮，把他們當作新人般玩弄。除安排他們交換戒指，又安排一名小朋友叫彭順做爸爸。
李心潔和男友彭順前晚在尖沙嘴出席電影《鬼域》慶功宴，電影公司為搞噱頭，刻意擺李心潔和彭順的戀情上枱。
除安排一名小朋友向心潔獻花，還叫彭順做爸爸，大會又專登放了一對戒指在寶箱內，當他們進行打爆寶箱，寓意票房可過一千萬的儀式後，即被要求如結婚般交換戒指，但他們不肯就範，李心潔說：「係都係幫兩個導演戴！」之後便為彭發及男友戴戒指。彭順為免被拍照，即用背脊遮擋鏡頭。
對於戀情被擺上枱，彭順不滿地說：「續集我唔會開㗎喇。」其後又對獻花的小朋友說：「小朋友過去收錢，普通嘅收$200，叫爸爸嘅收$300。」事後問彭順是否不打算開續集？他解釋說：「得啖笑咁講啫，因為𠵱家要籌備八月由尼古拉斯基治（NicolasCage）主演嘅《無聲火》，女主角就未定。」
改戲路唔見鬼
問李心潔可有信心《鬼域》票房會勝過《見鬼》？她說：「唔知，希望好好啦，不過自己短期內唔會拍鬼片，想改變吓，唔想畀人咁深沉嘅感覺。」
採訪、攝影：魯萍
