學習瑜伽，近年蔚然成風，有讀者上堂後感「腰骨痛」，雖有醫生證明不宜運動，仍未能取消會籍。有運動科學導師指出，瑜伽減肥效果存疑外，市民進行運動前宜先評估健康，有哮喘、心臟病、鼻敏感或高血壓人士等，做瑜伽時需注意或容易誘發病症。
暫停收取月費
讀者何小姐投訴PLANETYOGA，不肯因應其健康，提早終止會籍。她說：「我成190磅，為咗減肥就簽咗1年瑜伽會籍。點知上完第一堂，就覺得腰骨痛，試多一堂都無改善。醫生就建議我起碼半年唔好做劇烈運動。不過瑜伽中心就唔肯終止會籍。」
PLANETYOGA發言人指，因應何小姐之醫生證明，已建議順延會籍半年及暫停收取月費，由於何小姐所簽合約，最少為期一年，故未能提早終止。檔案編號：0529053
話你知：宜先檢討本身條件
消費者委員會發言人指，類似何小姐例子，健身會多以順延會籍來處理。發言人說：「𠵱家唔係會方履行唔到合約，消費者入會前，要主動因應自己健康，詢問適唔適合做呢啲運動，因為會方好難講得晒！」