世界盃終於曲終人散，又要等多4年先至有得睇。小初亦重拾心情重投股海，但唔知班芬佬係唔係一樣咁諗？
近期，手機股同埋相關的股份，都因為摩托羅拉手機定單減少而跌到一仆一碌，其中以晶門科技（2878）被掟得最重，另外搞微型音響配件的AACACOUSTIC（2018），股價亦由9.40元的高位，被質至6.50元的低位，但在多間證券行轉軚，陸續出報告唱好後，AAC股價終見反彈，上周五再升1.95％，收7.85元。
班分析員見過公司管理層，發覺公司對摩托羅定單減少唔似有太大影響，反而手機行業持續發展，例如愈來愈多3G手機生產，更有利AAC前景。
另外，停牌一段時間的天地數碼（500），據聞如無意外，將在日內復牌。隻股年前得摩托羅拉入股，但無論股價或業績都未見起色，今次輪到北京中信入股，唔知會否有刺激。
慕容小初