民建聯今日慶祝創黨14周年，當年23條恩怨嘅主角，好似葉劉、馬丁同公民黨啲大狀都收到邀請，同民建聯好親嘅老董同詩姐都好可能捧場，如果冇人甩底，加埋揚言「唔理幾廿萬人上街都要立23條」嘅曾鈺成，當年嘅冤家全部到齊晒，到時唔知會唔會再次擦出火花呢？
自從23條一役之後，呢班人都已經甚少同場，今次可謂空前絕後，但睇怕冇機會齊齊揸手影大合照啦。馬丁話，佢一定會去恭喜民建聯，但未必會特登搵葉劉喇，到時咁多人，都唔知見唔見到佢啦！公民黨就好似話到時會有代表參加喎。
呢個係葉劉學成返港後嘅第一個公開場合，葉劉𠵱家棄暗投明，由「民主選出希特拉」，變為支持2012年雙普選，咁好應該畀吓壓力民建聯同煲呔，等佢哋唔好再咁抗拒普選啦！