世界盃由淘汰賽開始，由於場次愈嚟愈少嘅關係，氣氛就真係冇之前分組賽咁好。德國人佢哋又比較簡樸，冇乜花巧嘢，所以世界盃有段時間冇乜新元素，整體氣氛就慢慢咁隨住愈黎愈多隊出局而靜咗落嚟。不過德國前晚攞咗季軍之後，市面又變得熱鬧返喎！世界盃真係可以令一個地方由好沉悶變得熱鬧同好玩。
以前我會覺得德國比較靜，但德國呢次作為東道主，真係帶得起成個氣氛。德國人對外國遊客都好友善同熱情。其實我覺得香港人對德國嘅認識比較少，多數係食物同汽車等等呢啲消費品。
今次世界盃令德國人更加好客，我好開心玩咗咁耐，所以要認識德國文化，最好就嚟德國喇！正如世界盃嘅口號：「Atimetomakefriends！」各位後會有期！
袁彩雲
無綫世界盃直擊主持