讀者黃先生投訴，指瑪嘉烈醫院荔景大樓內的噴水池，每晚均有大量蛤蚧類生物，同時發出響亮鳴叫聲，令附近居民不能入寐。
黃先生說：「瑪嘉烈醫院呢個水池，夾正喺兩幢大廈嘅中間。因為院方冇好好同個水池做清理工作，幾年前開始，有大量蛤蚧呢類生物，喺個池度繁殖。到??家夏天嘅時候，晚晚就唔停發出鳴叫聲，嘈到兩邊嘅居民，冇辦法瞓到覺好嘅！好辛苦！試過好多次同院方反映，但係都改善唔到，所以先忍唔住要搵傳媒投訴！」
瑪嘉烈醫院回覆本報，指一直已在水池內安裝自動調節系統，排放氯水，以驅趕大自然生物，例如蛤蚧，防止其在水池內繁殖。環保署亦已在6月7日實地量度有關水池的氯水成份，確認氯水含量合乎驅趕蛤蚧標準
院方即時處理
當接獲居民投訴後，院方更即放亁水池存水，並特別安排除草及滅蟲，減低蛤蚧及蚊子藉雨季，在水池內繁殖。事後，於6月8日凌晨作實地觀察，水池再無蛤蚧叫聲傳出，而浩景臺山邊及紀律部隊宿舍山邊則有傳出蛤蚧叫聲，相信該處亦有蛤蚧出沒。一般來說，持續下雨或暴曬天氣，均會稀釋或蒸發氯水，荔景大樓管理層將繼續監察，確保氯水含量足夠。檔案編號：0606018