平日火氣十足的阿叔提起離世的太太時，慨歎人生無常，可見鐵漢柔情。問他退休後的安排？他說：「冇諗呀！自己享受晚年生活，我又唔賭馬又唔賭波，朋友叫我去吓旅行散心，我都唔知去邊，幾屆世界盃會帶埋太太一齊去睇波，𠵱家好驚一個人去番嗰啲地方，去番啲同佢去過嘅地方自然又諗起佢，好傷感。」
骨頭都硬晒
視足球如命的阿叔表示已經多時沒有在球場出現，如今與一般老人家的生活無異，閒時頂多是到公園散散步，他說：「骨頭都硬晒，仲踢乜波！得閒最多咪去屋企附近嘅維園行兩個大圈，當係打發時間兼運動吓囉！」