「我都幾鍾意食零食㗎，熱浪薯片係我至愛，我好鍾意食啲香辣味道嘅食物，熱浪夠晒香口，身邊好多朋友都鍾意㗎，口痕痕嘅時候最好就係食薯片，所以我架保母車上隨時都會放定幾包做存貨，一邊睇書一邊食嘢，唔使淨係坐喺架車度咁悶，再唔係消夜時食都係一個好選擇。」
關心妍濃烈口感
「本身我最鍾意食果仁同朱古力，因為果仁比較健康，而且食極都唔肥。朱古力夾埋果仁有濃烈嘅朱古力味之外，果仁又好有口感。我最鍾意食Picnic嗰隻朱古力，因為食落口甜到入心，但果仁味會中和番少少，唔錯。不過我都唔可以成日食，真係怕會肥，一星期食一次，每次食兩支啦！」
Toby志在飽肚
「平時因為工作太忙，有時一日要做幾個宣傳活動，未必可以坐定定食正餐，就算食到，對腸胃消化都唔好啦，所以會隨身帶住梳打餅，中間一有時間就用嚟醫肚頂住先，梳打餅唔會肥，食多幾塊都唔怕，而且餅乾食落肚再飲水會脹胃，感覺會飽好多，以前我讀中學時已經成日食梳打餅，估唔到𠵱家出嚟工作仲多咗機會捱梳打餅。」
鄭融豉油撈嘢
「我最鍾意食嘅零食就係魚肉燒賣，唔知係唔係因為我鍾意食豉油關係，所以先鍾意食魚肉燒賣，好多小食都唔可以配豉油，唔通次次都食豉油撈飯咩！不過我發現好多魚肉燒賣嘅魚肉都唔係真正嘅魚肉，有時係啲麵粉整成，可能自己鍾意食啲cheap嘢啦，我通常一次會買兩串魚肉燒賣，只要行過街邊見到有，就會買嚟食。」
採訪、攝影：卓寶花、駱華齡、王連連
